ភ្នំពេញៈ ជាមួយនឹងគម្រោងចំនួន ៨ ដែលបានបញ្ចប់ការសាងសង់ក្នុងឆមាសទី១ ឆ្នាំ ២០១៩ នេះ ការផ្គត់ផ្គង់បន្ទប់ខុនដូនៅរាជធានីភ្នំពេញ បានកើនឡើងប្រមាណ ១៧ ភាគរយ បើធៀបទៅនឹងដំណាច់ឆ្នាំ ២០១៨ និងកើនឡើង ៩៣ ភាគរយ បើធៀបនឹងដំណាច់ឆ្នាំ ២០១៧។ នេះបើយោងតាមការសិក្សារបស់ក្រុមហ៊ុនអចលនទ្រព្យ CBRE Cambodia។
របាយការណ៍ដដែលឲ្យដឹងថា ក្នុងចំណោមខុនដូ ១៦ ៦៥៧ យូនីត មាន ២៤ ភាគរយ ជាប្រភេទតម្លៃសមរម្យ ៥១ ភាគរយ ជាប្រភេទមធ្យម និង ២៥ ភាគរយ ជាប្រភេទប្រណីត។
ការស្រាវជ្រាវរកឃើញថា បច្ចុប្បន្នខុនដូតម្លៃសមរម្យ មានតម្លៃជាមធ្យម ១ ៥០០ ដុល្លារក្នុង ១ ម៉ែត្រការ៉េ ខុនដូប្រភេទមធ្យម មានតម្លៃ ២ ៥០០ ដុល្លារ និងប្រភេទប្រណីត មានតម្លៃចាប់ពី ៣ ២០០ ដុល្លារឡើងទៅ។
បើតាមរបាយការណ៍ខាងលើក៏បានព្យាករដែរថា នៅដំណាច់ឆ្នាំ ២០១៩ ចំនួនបន្ទប់ខុនដូក្នុងរាជធានីភ្នំពេញ នឹងកើនដល់ ៣១ ១០០ យូនីត បើមិនមានគម្រោងណាប្រកាសពន្យារពេលសាងសង់។ ប្រភេទខុនដូតម្លៃសមរម្យ នឹងមានដំណើរកាន់តែល្អ ខណៈដែលខុនដូដែលស្ថិតនៅឆ្ងាយពីតំបន់ប្រជុំជនអាចប្រឈមនឹងបញ្ហាទីផ្សារ។
No comments:
Post a Comment